പരിസ്ഥിതിദിനാഘോഷം

     

ലോകപരിസ്ഥിതിദിനസന്ദേശം കുട്ടികളില്‍ സാര്‍ത്ഥകമായി സന്നിവേശിക്കുംവിധത്തിലാണ് ദിനാഘോഷം സംഘടിപ്പിച്ചത്. സ്കൂളില്‍നിന്നും ലഭിച്ച എന്റെമരത്തിന്റെ വളര്‍ച്ചയും പരിപാലനവുമായി ബന്ധപ്പെട്ട അനുഭവം വിവിധകുട്ടികള്‍ അവതരിപ്പിച്ചു. സ്കൂളിലെ 44% കുട്ടികളും എന്റെമരം ഇപ്പോഴും സംരക്ഷിക്കുന്നുണ്ട്. കാലാവസ്ഥാവ്യതിയാനം ഉണ്ടാക്കുന്ന അസന്തുലിതാവസ്ഥയില്‍നിന്നും രക്ഷനേടാന്‍ നാം ഏറ്റെടുത്തു നടപ്പാക്കേണ്ട പ്രവര്‍ത്തനങ്ങളെപ്പറ്റി പരിസ്ഥിതിപ്രഭാഷണം നടന്നു. തുടര്‍ന്ന് വനം വകുപ്പ് വിതരണം ചെയ്ത മരത്തൈകളുടെ ഗുണങ്ങള്‍ വിശദീകരിച്ചു. സ്കൂള്‍ പറമ്പില്‍ മരം വെച്ചു പിടിപ്പിച്ചശേഷം എന്റെ സങ്കല്‍പത്തിലെ മരം ചിത്രംവര നടന്നു. പരിസ്ഥിതിദിനാഘോഷപരിപാടികള്‍ക്ക് ഹെഡ്മിസ്ട്രസ് പി.കെ പത്മകുമാരി , അധ്യാപകരായ ആനന്ദ് പേക്കടം, പി സുശീല എന്നിവര്‍ നേതൃത്വം നല്‍കി.